ისნის გამგეობის 2023 წლის შემაჯამებელი ანგარიშის პრეზენტაცია გაიმართა. ამის შესახებ ინფორმაციას თბილისის მერია ავრცელებს.

მერიის ცნობით, რაიონის გამგებელმა, ნიკა ელისაშვილმა მიმდინარე წელს განხორციელებული პროექტები მიწვეულ სტუმრებს გააცნო.

"2023 წელს რაიონში ასფალტის საფარი 24 მისამართზე დაიგო, საგზაო ინფრასტრუქტურა 62 350 კვ.მ ფართობზე მოწესრიგდა. საგზაო ინფრასტრუქტურიდან აღსანიშნავია თემურ ქევხიშვილის ქუჩა, რომლის სრული რეაბილიტაცია განხორციელდა. პროექტის ღირებულება 1 700 000 ლარია. ასევე, მნიშვნელოვანია ვაზის ქუჩა და დოლაბაურის ხევი, სადაც ასფალტის საფარი პირველად დაიგო.

სრული რეაბილიტაცია ჩაუტარდა 16 სკვერსა და  6 სპორტულ მოედანს. მოსახლეობის აქტიური ჩართულობით, უსახური ავტოფარეხების ადგილას რამდენიმე რეკრეაციული სივრცე მოეწყო. დაირგო 1 855  ძირი ფოთლოვანი და წიწვოვანი ხე-მცენარე.

რაც შეეხება „ბინათმესაკუთრეთა ამხანაგობების განვითარების ხელშეწყობის პროგრამას“, მიმდინარე წელს 243  პროექტი განხორციელდა, მათ შორის, 71  ამორტიზებულ ლიფტს რეაბილიტაცია ჩაუტარდა, 60 ქანობიანი და ბრტყელი სახურავი შეიცვალა. მიწისქვეშა კომუნიკაციების რეაბილიტაცია 14 მისამართზე განხორციელდა, 5 შენობა-ნაგებობას კაპიტალური გამაგრების სამუშაოები ჩაუტარდა.

გარდა ინფრასტრუქტურული პროექტებისა, გამგეობამ მოსახლეობას სხვადასხვა სახის მნიშვნელოვანი სოციალური დახმარება გაუწია, რისთვისაც ადგილობრივი ბიუჯეტიდან 6 600 000 ლარი დაიხარჯა.

ადგილობრივი მოსახლეობის ჩართულობით, ასევე, მოეწყო 8 კულტურული და სპორტული და საგანმანათლებლო  ღონისძიება.

მიმდინარე წლის განმავლობაში გამგეობის მიერ განხორციელებული საბიუჯეტო პროგრამებისა და პროექტებისთვის ჯამში,  25  789 002 ლარი დაიხარჯა.

ისნის  რაიონის გამგეობის ანგარიშის წარდგენას ესწრებოდნენ  თბილისის მერის მოადგილე კახა გულედანი, პარლამენტის მაჟორიტარი დეპუტატი  კახა კახიშვილი, დედაქალაქის საკრებულოს მაჟორიტარი დეპუტატი კახა ლაბუჩიძე და სხვა მოწვეული სტუმრები", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს