„საჯარო თანამდებობის პირებმა გადაწყვეტილებები საკუთარი პასუხისმგებლობით უნდა მიიღონ“, - ამის შესახებ პარლამენტის თავმჯდომარემ დავით უსუფაშვილმა თავდაცვის მინისტრის მინდია ჯანელიძის თანამდებობიდან გადადგომის შესახებ გავრცელებულ ინფორმაციასთან დაკავშირებით განაცხადა.

როგორც უსუფაშვილმა აღნიშნა, ყოველი საკადრო გადაწყვეტილება დასაბუთებული და არგუმენტებით გაჯერებული უნდა იყოს.

„ძალიან ყურადღებით უნდა ვუსმენდეთ საზოგადოების მოსაზრებებს ამა თუ იმ თემაზე, მაგრამ საჯარო თანამდებობის პირებმა გადაწყვეტილებები საკუთარი პასუხისმგებლობით უნდა მიიღონ. უნდა დავასაბუთოთ ეს გადაწყვეტილება არა მხოლოდ იმ შემთხვევაში, როცა საქმე ეხება ვინმეს დანიშვნას, ან დაწინაურებას, არამედ ვინც წინა ხელისუფლების, თუ სხვა დროს იყო რაიმე კრიტიკის ობიექტი. ყოველი საკადრო გადაწყვეტილება უნდა იყოს დასაბუთებული და უნდა ჰქონდეს დამაჯერებელი პასუხები, ყველას ეხება ეს. მეორეს მხრივ, ჩვენ უნდა მოვახდინოთ იმის გააზრება, რომ თუ ვინმეს დანაშაული მიუძღვის, ეს სასამართლომ უნდა გაარკვიოს“, - განაცხადა უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს