დედაქალაქის მერის მოადგილე ანდრია ბასილაიამ თბილისში ნარჩენების მართვის მიმართულებით საკრებულოს წევრების შეკითხვებს უპასუხა და დეტალურად ისაუბრა კონკრეტულ პროექტებზე, რომელსაც დედაქალაქის მერია ახორციელებს და გეგმავს. 

 „ეს არის ძალიან კომპლექსური საკითხი და მის მოგვარებაზე საერთაშორისო ექსპერტებთან, ევროპის განვითარებისა და რეკონსტრუქციის ბანკთან  ერთად აქტიურად ვმუშაობთ. რამდენიმე მნიშვნელოვანი პროექტი გვაქვს უკვე შემუშავებული. რამდენიმე თვეში გაფორმდება ხელშეკრულება ახალი გადამტვირთი  სადგურის მშენებლობასა და არსებული სადგურის გაფართოებასთან დაკავშირებით. 

არსებულ ნაგავსაყრელს აქვს ბევრი პრობლემა. როდესაც ის მოეწყო, 2011 წელს, მაშინ არანაირი სტანდარტი დაცული არ იყო და შესაბამისად, მთელი რიგი სამუშაოებია ჩასატარებელი. ჩვენ ამ მიზნით უკვე მოვიპოვეთ დაფინანსება. მომავალი წლის დასაწყისში უკვე გამოცხადდება  სამშენებლო ტენდერი ლიჩეტის სისტემის მოსაწესრიგებლად. ასევე, ვაგრძელებთ მუშაობას გაზშემკრების პროექტზე, რომელიც ძალიან კომპლექსური საკითხია ტექნიკური თვალსაზრისით და სავარაუდოდ, 2024 წლის ბოლოს ჩვენ უკვე გვექნება პროექტი იმისთვის, რომ სამშენებლო სამუშაოები გამოვაცხადოთ. გარდა ამისა, ვაგრძელებთ მუშაობას, რომ გამოვაცხადოთ სამშენებლო ტენდერი ასევე სორტირების ხაზთან დაკავშირებით, რომელიც მოგვცემს შესაძლებლობას,  დავიწყოთ მუშაობა სეპარირების კუთხით.  სეპარირება არის გლობალური საკითხი და ჩვენ კონსულტაციას ვაგრძელებთ ცენტრალურ მთავრობასთან. აღსანიშნავია, რომ  მნიშვნელოვნად გაუმჯობესდა ტექნიკური ბაზა, მომავალ წელს კიდევ შემოვა ტექნიკა და კიდევ უფრო გაუმჯობესდება სიტუაცია“, - განაცხადა ანდრია ბასილაიამ.

ავტორი: NS (სტატია დაფინანსებულია),

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება