2023-11-04 13:30:08, 1266 ნახვა
ომი უკრაინაში
რუსმა ოკუპანტებმა ზაპოროჟიე დაბომბეს - არიან დაშავებულები
რუსმა ოკუპანტებმა ზაპოროჟიე დაბომბეს. აღნიშნულის შესახებ ინფორმაციას ზაპოროჟიეს რეგიონული სახელმწიფო ადმინისტრაციის თავმჯდომარე იური მალაშკო ავრცელებს.
მალაშკოს ცნობით, თავდასხმის შედეგად, 9 ადამიანი დაშავდა.
"რუსმა ოკუპანტებმა სოფელ ზარიჩნეზე სარაკეტო იერიში მიიტანეს. მტრის თავდასხმის შედეგად 9 ადგილობრივი მცხოვრები დაშავდა - 4 კაცი და 5 ქალი. ყველა მათგანს საჭირო სამედიცინო დახმარება გაუწიეს", - განაცხადა მალაშკომ.
მისივე თქმით, ბოლო 24 საათის განმავლობაში ოკუპანტებმა ზაპოროჟიეს ოლქის 26 ქალაქსა და სოფელზე 126-ჯერ მიიტანეს იერიში.
ავტორი: ექსპრესნიუსი,
epn.ge (@expressnews.ge)
