საპარლამენტო უმრავლესობის ერთ-ერთი წევრის გია ვოლსკის განცხადებით, უმრავლესობის წევრს  ზაქარია ქუცნაშვილს  უზენაესი სასამართლოს თავმჯდომარეობის კანდიდატურასთან დაკავშირებით, ჩამოყალიბებული პოზიცია არ ჰქონია.
„საერთოდ მე არ მახსოვს, რომ  ზაქარიას ამ საკითხთან მიმართებაში,  რაღაც ჩამოყალიბებული პოზიცია ჰქონოდა. ასე, რომ ეს თემა არ არის  აქტუალური“,-აღნიშნა ვოლსკიმ.
ამასთან, პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა  აღნიშნულ საკითხთან დაკავშირებით კონსულტაციების გავლას აზრს მოკლებული უწოდა.
„ჩვენ შევთანხმდით კრიტერიუმებზე და მათ შორის  ერთ-ერთი კრიტერიუმი იყო  ის, რომ  წარმოდგენილ კანდიდატურას არ უნდა ჰქონოდა პოლიტიკური ბეგრაუნდი. მე ვფიქრობ, რომ კოლეგებს შორის  მითუმეტეს ასეთ ძალიან მგრძნობიარე თემაზე  პოლიტიკური კონსულტაციები  ურიგო არ იქნებოდა, თუმცა  როდესაც წარგადგენენ არასამთავრობო ორგანიზაციები, პოსტ- ფაქტუმ კონსულტაციების გავლა აზრს მოკლებულია“,-განაცხადა ირაკლი სესიაშვილმა.
შეგახსენებთ,რომ 11-მა აკადემიურმა და საზოგადოებრივმა ორგანიზაციამ უზენაესი სასამართლოს თავმჯდომარეობის კანდიდატად ზაქარია ქუცნაშვილი დაასახელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს