დანდალოს ადმინისტრაციული შენობის სარეაბილიტაციო სამუშაოები განახლდა. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, სამშენებლო სამუშაოები ქედის მუნიციპალიტეტის მერმა როლანდ ბერიძემ, პირველმა მოადგილემ იმედა ვასაძემ, სივრცითი მოწყობის, არქიტექტურის და მშენებლობის სამსახურის უფროსმა გენადი ანანიძემ, დანდალოს ადმინისტრაციული ერთეულის წარმომადგენელმა ანზორ გოგიაშვილმა და მაჟორიტარმა ოთარ ხარაძემ ადგილზე მოინახულა.

"დანდალოს ადმინისტრაციული შენობის, რომელშიც განთავსებულია საკონცერტო სცენა, ამბულატორია, ბაგა-ბაღი და ადმინისტრაციული ოფისი სარეაბილიტაციო სამუშაოებს შპს ,,კაიზერი" აწარმოებს. პროექტის ფარგლებში მთლიანად შეიცვალა წყალ-კანალიზაციის სისტემა, ელექტრო სისტემა, დამონტაჟდება ცენტრალური გათბობის სისტემები, კეთილმოეწყობა შიდა ინტერიერი და გარე ფასადი. შენობა მთლიანად რეაბილიტირებული იქნება თანამედროვე ტიპის სტანდარტებით და ადაპტირებული შშმ პირებისათვის.

დანდალოს ადმინისტრაციული ერთეულის მოსახლეობას შეეძლება თანამედროვე სტანდარტებით აღჭურვილ ერთ სივრცეში ისარგებლოს სხვადასხვა სერვისით", - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ნინო ნადირაძე ხოშტარიას ვივა-მედში გადაყვანაზე: კიდე კაი, შაბათ-კვირა შემარგეს

პაპუაშვილი: გეოპოლიტიკური თამაშები აღრმავებს უფსკრულს ელიტებსა და ხალხს შორის

მონაკოში მომხდარი აფეთქების შედეგად უკრაინელი ოლიგარქი და მისი ცოლი მძიმედ დაშავდნენ

SJC: ევროპულმა სასამართლომ FARA-სა და გრანტების კანონთან დაკავშირებით საჩივრის არსებითი განხილვა დაიწყო