აშშ-ის ეროვნული უშიშროების საბჭოს სპიკერმა,  ჯონ კირბიმ ირანი დაადანაშაულა ახლო აღმოსავლეთში აშშ-ს ძალებზე თავდასხმების „აქტიურ ხელშეწყობაში“ - განსაკუთრებით კი ერაყისა და სირიის ტერიტორიაზე. 

 „ირანი აგრძელებს ჰამასისა და ჰეზბოლას მხარდაჭერას და ჩვენ ვიცით, რომ ირანი ყურადღებით აკვირდება მიმდიანრე პროცესებს, ზოგიერთ შემთხვევაში ის თავად უწყობს ხელს ამერიკულ ძალებზე თავდასხმებს, თეირანი ცდილობს, რომ მათი ეს ჩართულობა უარყონ გარკვეულ დონეზე , თუმცა ჩვენ არ ვაპირებთ,   რომ მივცეთ მათ ამის უფლება“ - აღნიშნა კირბიმ.

სირიაში აშშ-ს სამხედრო ბაზებზე თავდასხმა მოხდა. ამის შესახებ ლიბანური სააგენტო Al Mayadeen იტყობინება. დარტყმები განხორციელდა უპილოტო თვითმფრინავებითა და რაკეტებით აშშ-ს ბაზებზე ალ-ტანფში, ალ-ომარსა და ალ-შადადში.

სირიაში ამერიკულ ბაზებზე თავდასხმის შესახებ შეტყობინების შემდეგ, ჯო ბაიდენმა გამოსვლა შეაწყვეტინა. პრეზიდენტი უმალ მივიდა თეთრი სახლის სიტუაციურ ცენტრში, რადგან, როგორც მან თქვა „არსებობს პრობლემა, რომელიც უნდა მოგვარდეს“.

თეთრი სახლის სიტუაციურ ოთახში  ბაიდენთან ერთად იმყოფება ასევე CIA-ის დირექტორი უილიამ ბერნსიც.  გავრცელებული ინფორმაციით, პენტაგონი ახლო აღმოსავლეთში დამატებით ძალებს აგზავნის.

ამერიკის დაზვერვის ინფორმაციით, ირანის მიერ მხარდაჭერილი გასამხედროებული ჯგუფები ახლო აღმოსავლეთში გეგმავენ აშშ-ს ჯარებზე იერიშების განხორციელებას. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა