2023-10-15 18:36:23, 921 ნახვა
მსოფლიო
აშშ-ის ცნობით, ისრაელმა ღაზას სექტორში წყლის მიწოდება აღადგინა
ისრაელმა ღაზას სექტორში წყლის მიწოდება აღადგინა.
როგორც ამერიკის შეერთებული შტატების პრეზიდენტის მრჩეველმა ეროვნული უსაფრთხოების საკითხებში, ჯეიკ სალივანმა CNN-ს განუცხადა, ამის შესახებ ინფორმაცია ისრაელელმა მაღალჩინოსნებმა მიაწოდეს.
სალივანის თქმით, ცნობები წყალმომარაგების აღდგენის შესახებ იერუსალიმიდან ბოლო ერთი საათის განმავლობაში მიიღო.
შეგახსენებთ, რომ ისრაელმა ღაზას სექტორს წყალმომარაგება შეუწყვიტა მას შემდეგ, რაც 7 ოქტომბერს, "ჰამასის" წევრებმა ქვეყნის ტერიტორიაზე სახმელეთო და სარაკეტო იერიშები განახორციელეს, რომლის შედეგადაც ასობით ისრაელელი დაიღუპა და დაშავდა.
ავტორი: ექსპრესნიუსი,
epn.ge (@expressnews.ge)
