2023-10-15 17:39:34, 732 ნახვა
საზოგადოება
ისნის რაიონში ოთხი სპორტული მოედნის რეაბილიტაცია დასრულდა
ისნის რაიონის გამგეობა სპორტული მოედნების რეაბილიტაციას აქტიურად განაგრძობს. ამის შესახებ ინფორმაციას თბილისის მერია ავრცელებს.
მერიის ცნობით, ამჯერად, მოედნების რეაბილიტაცია ოთხ მისამართზე დასრულდა - ალ. წულუკიძის II შესახვევის N3-N5 კორპუსების მიმდებარედ, სამგორის დასახლება N28-ის, ვაზისუბნის I მ/რ, კორპ. N1-ის და ლეხ კაჩინსკის ქუჩა N9-ის მიმდებარედ.
"ისნის გამგებელმა ნიკა ელისაშვილმა, საკრებულოს მაჟორიტარ დეპუტატ კახა ლაბუჩიძესთან ერთად, დასრულებული სამუშაოები დაათვალიერა და ადგილობრივ მოსახლეობას შეხვდა.
აღნიშნული პროექტები ისნის გამგეობის ბიუჯეტიდან 546 670 ლარით დაფინანსდა",- აღნიშნულია ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
