,,დასაქმების ხელშეწყობა პროფესიული მომზადება /გადამზადების გზით’’ პროგრამის ფარგლებში, 48 კურსდამთავრებული დაჯილდოვდა. ამის შესახებ ინფორმაციას აჭარის ჯანდაცვის სამინისტრო ავრცელებს.

მათივე ცნობით, დაჯილდოების ცერემონია ქობულეთში, კოლეჯ ,,ახალი ტალღა’’ - ში გაიმართა. ღონისძიებას აჭარის ჯანმრთელობისა და სოციალური დაცვის მინისტრის მოადგილე, ნონა გალოგრე და აჭარის დასაქმების სააგენტოს ხელმძღვანელი, თემურ კახიძე ესწრებოდნენ.

,,ვულოცავ ყველა კურსდამთავრებულს სასწავლო პროცესის დასრულებას და ვუსურვებ წარმატებებს. როგორც ჩემთვის ცნობილია, მათგან უმეტესობა უკვე დასაქმებულია, რაც ხაზს უსვამს პროგრამის აქტუალობას, შესაბამისად მასში ჩართულ ყველა მხარეს ვულოცავ და კიდევ უფრო ნაყოფიერ, შედეგზე ორიენტირებულ სასწავლო წლებს ვუსურვებ" - აღნიშნა მინისტრის მოადგილე, ნონა გალოგრემ.

ღონისძიებაზე პროგრამის მოსარგებლეებს გადაეცათ კვალიფიკაციის დამადასტურებელი ორენოვანი სერტიფიკატი და ასევე, თითოეულ პროფესიულ ჯგუფში წარმატებულ კურსდამთავრებულებმა მიიღეს სამუშაო იარაღი, რომელიც მათ პროფესიულ განვითარებას შეუწყობს ხელს.

პარალელურად ჩატარდა პროფესიების ინფო ტური და მოწვეულ სტუმრებს, კურსდამთავრებულებს, პედაგოგებთან ერთად, შესაძლებლობა მიეცათ ჩართულიყვნენ სხვადასხვა პროფესიების პრაქტიკულ აქტივობაში.

ავტორი: NS (სტატია დაფინანსებულია),

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის