გარემოს დაცვისა და სოფლის მეურნეობის მინისტრი მოადგილე კახა კაკაბაძე სამუშაო ვიზიტით საფრანგეთში იმყოფება. ვიზიტის ფარგლებში, მინისტრის მოდგილემ, ეროვნული სატყეო სააგენტოს წარმომადგენლებთან ერთად, პარიზის სამხრეთით მდებარე სახელმწიფო ტყის ის ტერიტორია დაათვალიერა, სადაც საფრანგეთის ეროვნული ტყის ოფისი დეგრადირებული ტყის აღდგენის ღონისძიებებს ახორციელებს. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, ურბანულ დასახლებასთან ახლოს მდებარე აღნიშნულ ტყის მასივს დაცვითი ტყის კატეგორია 2016 წელს მიენიჭა. 374 ჰა ფართობზე, ძირითადად, ფოთლოვანი სახეობები - მუხა და წაბლია გაშენებული; თუმცა, კლიმატის ცვლილების უარყოფითი გავლენისა და წაბლის დაავადების გამო, ტყე დეგრადირებულია. წაბლის ე.წ მელნისებრი დაავადების წინააღმდეგ სანიტარიული ჭრები, ბუნებრივი განახლების ხელშეწყობის ღონისძიებები და მუდმივი მონიტორინგი მიმდინარეობს.

„აღსანიშნავია, რომ საქართველოში  წაბლის დაავადება გასული საუკუნის 40-იან წლებში დაფიქსირდა. სსიპ ეროვნული სატყეო სააგენტო სანიტარიულ ჭრებს და დაავადების წინააღმდეგ ბიოლოგიური ბრძოლის მეთოდის გამოცდას ზესტაფონის მუნიციპალიტეტში ახორციელებს. 

საფრანგეთში კახა კაკაბაძის ვიზიტის ფარგლებში, შესაბამის უწყებებთან გამართულ შეხვედრებზე, მხარეებმა დაავადებებთან ბრძოლის მიმართულებით ერთობლივი პროექტების განხორციელებასა და სამომავლო თანამშრომლობის პერსპექტივებზე იმსჯელეს. ეროვნულ სატყეო სააგენტოსა  და საფრანგეთის ეროვნული ტყის ოფისს შორის უახლოეს მომავალში თანამშრომლობის მემორანდუმი გაფორმდება“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით