რუსეთის ფედერაციის პრეზიდენტის პრესსპიკერი დიმიტრი პესკოვი აცხადებს, რომ მოსკოვს ჩრდილოეთ კორეასთან დაკავშირებით ამერიკის შეერთებული შტატების გაფრთხილება არ აინტერესებს.

პესკოვის თქმით, კრემლისთვის მნიშვნელოვანი მხოლოდ ორი ქვეყნის ინტერესებია.

"რუსეთი არ არის დაინტერესებული ვაშინგტონის გაფრთხილებით. ჩვენს მეზობლებთან, მათ შორის ჩრდილოეთ კორეასთან ურთიერთობის განხორციელებისას, ჩვენთვის მნიშვნელოვანია, ჩვენი ორი ქვეყნის ინტერესები და არა ვაშინგტონის გაფრთხილებები. ჩვენ ორი ქვეყნის ინტერესებზე გავამახვილებთ ყურადღებას",- აცხადებს პესკოვი.

ცნობისთვის, იმ ფონზე, როდესაც ჩრდილოეთ კორეის ლიდერი კიმ ჩენ ინი რუსეთის ფედერაციაში პრეზიდენტ ვლადიმერ პუტინთან შეხვედრას გეგმავს, ამერიკის შეერთებულმა შტატებმა გააფრთხილა ფხენიანი, რომ მოსკოვს იარაღი არ მიაწოდოს.

აღსანიშნავია, რომ კიმ ჩენ ინი რუსეთში უკვე ჩავიდა. მედიის ცნობით, ჩრდილოეთ კორეის ლიდერის მატარებელმა ფედერაციის საზღვარი სამშაბათს დილით გადაკვეთა.

ავტორი: ექსპრესნიუსი,

სოციალური ქსელები

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა