რუსეთი, თურქეთი და კატარი ახალ სამმხრივ „მარცვლეულის შეთანხმებას“ ამზადებენ. აღნიშნულის შესახებ ინფორმაციას გერმანული გამოცემა Bild-ი თურქეთისა და რუსეთის საგარეო საქმეთა სამინისტროებსა და საელჩოებს შორის მიმოწერაზე დაყრდნობით ავრცელებს.

გამოცემის ცნობით, იგეგმება, რომ შეთანხმებაში თურქეთი ორგანიზატორის როლში გამოვიდეს, კატარი კი სპონსორის. ამასთან მარცვლეულის მიწოდება ღარიბ ქვეყნებში იგეგმება.

"შემოთავაზებულია რუსული მარცვლეულის მიწოდება ღარიბ ქვეყნებში, ძირითადად აფრიკაში. ორგანიზატორი იქნება თურქეთი, სპონსორი კი კატარი",- აღნიშნულია მიმოწერაში.

Bild-ის ცნობითვე, ახალი „მარცვლეულის შეთანხმება“ შესაძლოა უკვე ამ შაბათ-კვირას ბუდაპეშტში გაფორმდეს, სადაც თურქეთის პრეზიდენტი რეჯეფ თაიფ ერდოღანი ჩავა.

შეგახსენებთ, მიმდინარე წლის 17 ივლისს, რუსეთმა „შავი ზღვის მარცვლეულის შეთანხმება“ შეაჩერა.

აღსანიშნავია, რომ "მარცვლეულის შეთანხმება" გასულ წელს თურქეთისა და გაეროს შუამავლობით გაფორმდა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის