2023-08-18 13:28:18, 718 ნახვა
საზოგადოება
ხობის მუნიციპალიტეტში ავტოსაგზაო შემთხვევის შედეგად 5 ადამიანი დაშავდა
ზუგდიდი-სენაკის ცენტრალურ ავტომაგისტრალზე, ხობის მუნიციპალიტეტის სოფელ ხამისკურის მონაკვეთზე ავტოსაგზაო შემთხვევა მოხდა, რომლის შედეგადაც 5 ადამიანი დაშავდა.
არსებული ინფორმაციით, სადისტრიბუციო მიკროავტობუსი ჯერ მსუბუქ ავტომობილს, შემდეგ კი სამგზავრო მიკროავტობუსს შეეჯახა.
შემთხვევის ადგილზე მობილიზებული არიან სასწრაფო დახმარების ჯგუფები და პოლიცია.
როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება დაწყებულია სსსკ-ის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ავტორი: ექსპრესნიუსი,
epn.ge (@expressnews.ge)
