2023-08-18 09:25:25, 818 ნახვა
საზოგადოება
დღეს ეროვნული გმირის, გიორგი ანწუხელიძის დაბადების დღეა
18 აგვისტო საქართველოს ეროვნული გმირის, უფროსი სერჟანტის გიორგი ანწუხელიძის დაბადების დღეა. მას დღეს 39 წელი შეუსრულდებოდა.
ანწუხელიძე რუსეთ-საქართველოს 2008 წლის ომში რუსებს ტყვედ ჩაუვარდა. ის სასტიკი წამების შემდეგ, ცემით მოკლეს.
საქართველოს ეროვნული გმირი ახმეტის რაიონის სოფელ ქვემო ალვანში დაიბადა. უმცროსი სერჟანტი ანწუხელიძე IV ქვეითი ბრიგადის 41-ე ბატალიონის სამხედრო მოსამსახურე იყო.
დაჯილდოებულია ვახტანგ გორგასლის I ხარისხის ორდენით, უწყებრივი მედლით „სამშობლოსათვის თავდადებული“, მინიჭებული აქვს ეროვნული გმირის წოდება. მის სახელს ატარებს ასევე სერჟანტთა აკადემია.
ავტორი: ექსპრესნიუსი,
epn.ge (@expressnews.ge)
