შსს - სტიქიის ეპიცენტრში მიწის მასის 90% გადამოწმებულია

2023-08-15 12:10:51, 687 ნახვა

საზოგადოება

ონის მუნიციპალიტეტში, სტიქიის ეპიცენტრში მიწის მასის 90% გადამოწმებულია. აღნიშნულ ინფორმაციას შინაგან საქმეთა სამინისტრო ავრცელებს.

უწყების ცნობით, სამძებრო სამუშაოები მიმდინარეობს როგორც სტიქიის ეპიცენტრში, ასევე მდინარეების - რიონის და ჭანჭახის კალაპოტებში.

"ონის მუნიციპალიტეტში, სტიქიის ზონაში მეხანძრე-მაშველები სამძებრო სამუშაოებს უწყვეტ რეჟიმში აგრძელებენ.

სამძებრო სამუშაოებში ჩართულია როგორც ცოცხალი ძალა, ასევე, მძიმე ტექნიკა და მცურავი საშუალებები",- ნათქვამია შსს-ს ინფორმაციაში.

ცნობისთვის, სტიქიური უბედურება შოვში 3 აგვისტოს მოხდა. ამ დროისთვის არსებული ოფიციალური მონაცემებით, სტიქიას 25 ადამიანის სიცოცხლე ემსხვერპლა. 8 პირთან დაკავშირებით სამძებრო სამუშაოები გრძელდება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,