2023-07-14 11:01:38, 917 ნახვა
საზოგადოება
გლდანის რაიონში, წყაროს ქუჩაზე საგზაო სამუშაოები სრულდება
გლდანის რაიონის გამგეობა, საგზაო ინფრასტრუქტურის მოწესრიგების ფარგლებში, წყაროს ქუჩის კეთილმოწყობას ასრულებს. აღნიშნულ ქუჩაზე აქამდე ასფალტის საფარი არ არსებობდა და მოსახლეობას გადაადგილების პრობლემა ჰქონდა. აღნიშნულის შესახებ ინფორმაციას თბილისის მერია ავრცელებს.
უწყების ცნობით, სამუშაოების შედეგად, სანიაღვრე ქსელი 500 გრძივ მეტრამდე მოეწყო, 13 000 კვადრატულ მეტრამდე ფართობზე კი, ასფალტის საფარის დაგება სრულდება.
„აღნიშნული პროექტისთვის, გლდანის გამგეობის ბიუჯეტიდან დაახლოებით, 1 150 000 ლარი დაიხარჯება.
სამუშაოებს გლდანის რაიონის გამგებლის მოვალეობის შემსრულებელი ბესიკ კალაძე ადგილზე გაეცნო“,- აღნიშნულია ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
