2023-07-13 15:05:39, 1070 ნახვა
საზოგადოება
ფინანსთა მინისტრი იაპონიის ელჩს შეხვდა
ფინანსთა მინისტრი ლაშა ხუციშვილი იაპონიის საგანგებო და სრულუფლებიან ელჩს საქართველოში, ჰიდეკი იშიძუკას შეხვდა. აღნიშნულის შესახებ ინფორმაციას ფინანსთა სამინისტრო ავრცელებს.
მათი ცნობით, შეხვედრას ფინანსთა მინისტრის მოადგილე ეკატერინე გუნცაძე დაესწრო.
"მხარეებმა განიხილეს ორმხრივი ურთიერთობების საკითხები.
ლაშა ხუციშვილმა იაპონელ დიპლომატს მიულოცა საქართველოში მისიის დაწყება და იმედი გამოთქვა, რომ ორ ქვეყანას შორის თანამშრომლობა კვლავ წარმატებით გაგრძელდება.
მრავალი წელია იაპონიის მთავრობა ქვეყანას ეხმარება როგორც შეღავათიანი სასესხო ინსტრუმენტებით, ისე არასაპროექტო გრანტებისა და ცოდნის გაზიარების მიმართულებით",- აღნიშნულია ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
