2023-07-11 17:35:56, 1148 ნახვა
მსოფლიო
სტოლტენბერგი - ბევრ გადაწყვეტილებას მივიღებთ უფრო ძლიერი ალიანსისთვის - გავზრდით უკრაინის მხარდაჭერას
დღეს ბევრ გადაწყვეტილებას მივიღებთ კიდევ უფრო ძლიერი ალიანსისთვის,- ამის შესახებ ნატოს გენერალურმა მდივანმა, იენს სტოლტენბერგმა ჩრდილოატლანტიკური საბჭოს სხდომის გახსნისას განაცხადა.
ნატოს მეთაურის თქმით, ალიანსი უკრაინისთვის პრაქტიკულ და პოლიტიკურ მხარდაჭერას გაზრდის და ქვეყანას ნატოსთან კიდევ უფრო დაახლოებს.
„ჩვენ ასევე გადავდგამთ გაბედულ ნაბიჯებს ჩვენი შეკავებისა და თავდაცვის შესაძლებლობების შემდგომი გაძლიერების მიზნით, მათ შორის იქნება ახალი გეგმები და ძალები ევროატლანტიკური ზონის თავდაცვისთვის",- თქვა სტოლტენბერგმა.
ცნობისთვის, ლიეტუვის დედაქალაქ ვილნიუსში ნატოს სამიტი 11-12 ივლისს იმართება.
ავტორი: ექსპრესნიუსი,
epn.ge (@expressnews.ge)
