სამხრეთ ჩინეთის პროვინცია გუანდუნგში, საბავშვო ბაღში დანით თავდასხმის შედეგად სულ მცირე ექვსი ადამიანი დაიღუპა და ერთი დაშავდა. ამის შესახებ BBC პოლიციაზე დაყრდნობით იუწყება. მსხვერპლთა შორის იყო ერთი მომვლელი, ორი მშობელი და სამი მოსწავლე, განაცხადა ადგილობრივი ხელისუფლების წარმომადგენელმა. ეჭვმიტანილი დაკავებულია.

თავდასხმა ორშაბათს დილით, ლიანციანგის ოლქში მოხდა. პოლიციამ მომხდარს „განზრახ თავდასხმა“ უწოდა, ეჭვმიტანილი თავდასხმიდან 20 წუთში დააკავეს. თავდასხმის მიზეზები გამოძიება მიმდინარეობს.

ბოლო წლებში ჩინეთში, მათ შორის სკოლებში, დანით თავდასხმების სერია მოხდა. გასული წლის აგვისტოში, თავდამსხმელი შეიჭრა საბავშვო ბაღში სამხრეთ-აღმოსავლეთ პროვინცია ძიანგშიში, რის შედეგადაც სამი ადამიანი დაიღუპა და ექვსი დაშავდა. 2021 წლის აპრილში ორი ბავშვი დაიღუპა და 16 დაშავდა დანით ჩხუბის დროს ქალაქ ბეილუში, გუანქსი ჟუანგის ავტონომიურ რეგიონში. 2018 წლის ოქტომბერში ჩინეთში, სამხრეთ-დასავლეთ ჩინეთში, საბავშვო ბაღში დანით თავდასხმის შედეგად 14 ბავშვი დაშავდა.

2018 წელს ჩინეთის შაანქსის პროვინციაში საშუალო სკოლის მოსწავლეებზე თავდასხმის შედეგად შვიდი სკოლის მოსწავლე დაიღუპა და 12 დაშავდა. თავდამსხმელი დააკავეს.

ავტორი: ექსპრესნიუსი,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს