კახოვკის ჰესის განადგურება მსოფლიოში ყველაზე დიდი ადამიანური და ხელოვნური კატასტროფაა ბოლო ათწლეულების განმავლობაში,- ამის შესახებ უკრაინის პრეზიდენტის აპარატის ხელმძღვანელი ანდრეი ერმაკი Telegram-ზე წერს.

ერმაკის თქმით, რუსეთი მზადაა გააკეთოს ყველაფერი, რათა ომში ფსონები აამაღლოს.

"კახოვკის ჰესის განადგურება არის მსოფლიოში ყველაზე დიდი ადამიანური და ხელოვნური კატასტროფა ბოლო ათწლეულების განმავლობაში, რომელიც კლავს გარემოს და უარყოფითად იმოქმედებს ასობით ათასი ადამიანის ცხოვრებაზე მომდევნო წლებში.

თავდაცვითი ძალების წინსვლის შეჩერების, დამარცხებისა და სირცხვილის თავიდან აცილების გიჟური მიზანი ამოძრავებს კრემლის დამნაშავეებს. ისინი მზად არიან გააკეთონ ყველაფერი ამ ომში ფსონების ასამაღლებლად. დღევანდელი რუსეთი გლობალური საფრთხეა. მხოლოდ ძალას შეუძლია ამ პრობლემის გადაჭრა",- წერს ერმაკი.

ცნობისთვის, დღეს დილით რუსმა ოკუპანტებმა კახოვკას ჰიდროელექტროსადგური ააფეთქეს.

ხერსონის სამხედრო ადმინისტრაციის ხელმძღვანელის, ალექსანდრ პროკუდის თქმით, დაწყებულია ადგილობრივი მოსახლეობის ევაკუაცია, ვინაიდან წყალი კრიტიკულ დონეს 5 საათში მიაღწევს და მაღალია სხვადასხვა ქალაქის დატბორვის რისკი.

ავტორი: ექსპრესნიუსი,

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა