2023-05-30 11:32:26, 849 ნახვა
საზოგადოება
მუხიანში, ლაგურაშვილის N3 კორპუსთან სპორტული მოედანი რეაბილიტირდა
გლდანის რაიონის გამგეობის მიერ, რაიონში ჯანსაღი ცხოვრების ხელშეწყობის მიზნით, სპორტული მოედნების მოწყობა-რეაბილიტაცია გრძელდება.
გლდანის რაიონის გამგეობის ცნობით, რეაბილიტაცია, ამ ეტაპზე, მუხიანში, ლაგურაშვილის N3 კორპუსთან დასრულდა.
"შეიცვალა დაზიანებული ლითონის მავთულ-ბადეები, დაიგო ხელოვნური ბალახის საფარი და რეაბილიტირდა ყველა სხვა საჭირო ინვენტარი. სპორტული მოედნის რეაბილიტაციისთვის, ჯამში, 78 665 ლარი დაიხარჯა.
დასრულებულ სამუშაო პროცესს გლდანის რაიონის გამგებლის მოვალეობის შემსრულებელი ბესიკ კალაძე გაეცნო",- ნათქვამია გამგეობის ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
