რუსეთის შინაგან საქმეთა სამინისტრომ ამერიკელი სენატორი, ლინდსი გრეჰემი ძებნილთა სიაში შეიყვანა. აღნიშნულის შესახებ ინფორმაციას რუსული პროპაგანდისტული მედია TASS-ი ავრცელებს..

მედიის ცნობით, სენატორის ძებნილთა სიაში შეყვანის ბრძანება რუსეთის საგამოძიებო კომიტეტის თავმჯდომარე ალექსანდრ ბასტრიკინმა მას შემდეგ გასცა, რაც სოციალურ ქსელში გავრცელდა ვიდეო, რომელშიც სენატორი ამბობდა, რომ "აშშ-ს საუკეთესოდ დახარჯული ფული" არის ის დახმარება, რომლის შედეგადაც "რუსები იხოცებიან".

"1955 წლის 9 ივლისს დაბადებული ამერიკელი გრეჰემ ლინდსი ოლინი იძებნება სისხლის სამართლის კოდექსის მუხლით",- ნათქვამია დეპარტამენტის მონაცემთა ბაზაში.

ამასთან, როგორც მოგვიანებით გამოცემა Reuters-მა გაარკვია, სენატორის სიტყვები ერთმანეთთან პირდაპირ კავშირში არ იყო და სინამდვილეში ის ამბობდა, რომ "აშშ-ს მხარდაჭერა უკრაინისთვის არის ვაშინგტონის მიერ საუკეთესოდ დახარჯული ფული".

ავტორი: ექსპრესნიუსი,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times