თურქეთის პრეზიდენტობის ყოფილი კანდიდატი სინან ოღანი არჩევნების მეორე ტურში რეჯეფ თაიფ ერდოღანს დაუჭერს მხარს. აღნიშნულ ინფორმაციას თურქული მედია ავრცელებს.

მედიის ცნობით, მხარდაჭერის სანაცვლოდ, სინან ოღანმა პრეზიდენტობის კანდიდატს მოსთხოვა, კონსტიტუციის პირველი ოთხი მუხლი არ შეცვალოს. მათ შორის - აღკვეთოს კონსტიტუციიდან თურქული იდენტობის ამოღების მცდელობა; იბრძოლოს ტერორიზმთან; განახორციელოს თავშესაფრის მაძიებელთა ეტაპობრივი დეპორტაცია; საპროცენტო განაკვეთის პოლიტიკაში უზრუნველყოს მეტი მოქნილობა.

ცნობისთვის, თურქეთის საპრეზიდენტო არჩევნების მეორე ტური 28 მაისს გაიმართება. მეორე ტურში ერთმანეთს მოქმედი პრეზიდენტი რეჯეფ თაიფ ერდოღანი და გაერთიანებული ოპოზიციის კანდიდატი ქემალ ქილიჩდაროღლუ დაუპირისპირდებიან. 

აღსანიშნავია, რომ მეორე ტურის გამართვის საკითხი დღის წესრიგში მას შემდეგ დადგა, რაც 14 მაისს გამართულ არჩევნებში პრეზიდენტობის ვერც ერთმა კანდიდატმა ხმების 50%-ზე მეტი ვერ მიიღო.

რაც შეეხება "ATA ალიანსის" წევრ სინან ოღანს, მან არჩევნებში მიღებული ხმების რაოდენობით მესამე ადგილი დაიკავა.   

ავტორი: ექსპრესნიუსი,

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ