2023-05-08 23:13:23, 880 ნახვა
მსოფლიო
ევროკავშირი ჩაკეტავს პორტებს იმ გემებისთვის, რომლებითაც რუსული ნავთობი სანქციების გვერდის ავლით გადააქვთ
ევროკავშირი ჩაკეტავს პორტებს იმ გემებისთვის, რომლებითაც რუსული ნავთობი სანქციების გვერდის ავლით გადააქვთ. აღნიშნულ შეზღუდვას რუსეთის წინააღმდეგ ამოქმედებული ევროკავშირის სანქციების მეთერთმეტე პაკეტი ითვალისწინებს.
პროექტი უკვე გადაეცათ ევროკავშირის წევრ ქვეყნებს.
სანქციების მეთერთმეტე პაკეტის თანახმად, ის გემები, რომლებიც არღვევენ სანქციებს ან ეჭვმიტანილები არიან სანქციების გვერდის ავლით რუსული ნავთობის გადაზიდვაში, ევროპული პორტებიდან უნდა გავიდნენ.
შეგახსენებთ, 2022 წლის დეკემბერში ევროკავშირმა რუსული ნავთობის საზღვაო მიწოდება აკრძალა.
ავტორი: ექსპრესნიუსი,
epn.ge (@expressnews.ge)
