რუსეთში, ბრიანსკის ოლქში რკინიგზის ლიანდაგზე აფეთქება მოხდა, რის გამოც, მატარებელი რელსებიდან გადავარდა. აღნიშნულ ინფორმაციას რუსული სამთავრობო-პროპაგანდისტული "რია ნოვოსტი" გუბერნატორზე, ალექსანდრე ბოგომაზზე დაყრდნობით ავრცელებს.

ბოგომაზის განცხადებით, შემთხვევას მსხვერპლი არ მოჰყოლია.

"უნეჩის რაიონში, ბრიანსკ-უნეჩის რკინიგზის 136-ე კილომეტრზე, ამოუცნობი ასაფეთქებელი მოწყობილობა აფეთქდა, რის შედეგადაც სატვირთო მატარებლის ლოკომოტივი რელსებიდან გადავარდა. მსხვერპლი არ არის",- დაწერა გუბერნატორმა Telegram-ზე.

რუსეთის ფედერაციის რკინიგზის ინფორმაციით, რელსებიდან ელმავალთან ერთად, მატარებლის 7 ვაგონი გადავარდა.

შემთხვევის ადგილზე საგანგებო სიტუაციების სამსახურია მობილიზებული. სარკინიგზო გადაადგილება შეჩერებულია. 

ავტორი: ექსპრესნიუსი,

სოციალური ქსელები

აშშ-ის შეიარაღებულმა ძალებმა ირანში მდებარე სამიზნეებზე დარტყმების ახალი სერია დაასრულეს

აფეთქებები ირანის შვიდ ქალაქში და სამ კუნძულზე დაფიქსირდა

ტრამპმა მხარი დაუჭირა ლინდსი გრემის კანონპროექტს, რუსეთის წინააღმდეგ „ჯოჯოხეთურ“ სანქციებზე

უკრაინამ ბაშკორტოსტანში ბოლო მსხვილი ბენზინის მწარმოებელს და ყუბანში ნავთობგადამამუშავებელ ქარხანას დაარტყა