2023-04-24 10:56:42, 1622 ნახვა
ომი უკრაინაში
პრიგოჟინი - ჩვენ მოვკლავთ ყველას ბრძოლის ველზე, არცერთ ტყვეს აღარ ავიყვანთ
"ვაგნერის" დამფუძნებლის, ევგენი პრიგოჟინის განცხადებით, რუსი დაქირავებულები უკრაინელ სამხედროებს ტყვედ აღარ აიყვანენ, თუმცა "ისინი ბრძოლის ველზე ყველას მოკლავენ".
პრიგოჟინი აღნიშნული განცხადებით ეხმაურება "ვაგნერის" Telegram-ზე გავრცელებულ ვიდეოკადრებს, რომელშიც "ვაგნერელების" მტკიცებით, ჩანს, როგორ ესვრიან უკრაინელი სამხედროები მათ დაჭრილ თანამებრძოლს.
პრიგოჟინის თქმით, კადრები "ტყვის სიკვდილით დასჯის მტკიცებულებაა".
"ჩვენ მოვკლავთ ყველას, ვინც ბრძოლის ველზეა. არცერთ ტყვეს აღარ წავიყვანთ", - აცხადებს "ვაგნერის" დამფუძნებელი.
აღსანიშნავია, რომ გავრცელებულ ვიდეოკადრებზე უკრაინულ მხარეს კომენტარი ჯერ არ გაუკეთებია.
ავტორი: ექსპრესნიუსი,
epn.ge (@expressnews.ge)
