ჩეხეთის განვითარების სააგენტოსა და აჭარის ავტონომიური რესპუბლიკის მთავრობას შორის  თანამშრომლობის ფარგლებში, პროექტი „ჯანმრთელობისა და ეკოლოგიური რისკების რაოდენობრივი განსაზღვრა და ბათუმის ყოფილი ნავთობგადამამუშავებელი ქარხნის ტერიტორიის რეაბილიტაციის ხელშეწყობა“ მიმდინარეობს. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, აღნიშნულ პროექტთან დაკავშირებული საკითხები გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა, აჭარის ავტონომიური რესპუბლიკის ფინანსთა და ეკონომიკის მინისტრმა ჯაბა ფუტკარაძემ და ჩეხეთის რესპუბლიკის ელჩმა პეტრ მიკისკამ სამუშაო შეხვედრაზე განიხილეს.

„მადლობას ვუხდი ჩეხეთის საელჩოსა და ჩეხეთის განითარების სააგენტოს წლების განმავლობაში გაწეული თანამშრომლობისთვის. ბათუმში მიმდინარე პროექტის მთავარი მიზანია დაბინძურების ადგილის დეტალური გამოკვლევა, ტერიტორიის რემიდიაცია და სახიფათო ნარჩენების იდენტიფიკაცია. აღნიშნული პროექტის ფარგლებში შემუშავებული კვლევა, შესაძლებელია, სხვა ტერიტორიებზე მსგავსი გამოწვევების გადასაჭრელადაც გამოვიყენოთ”, - განაცხადა სოლომონ პავლიაშვილმა.

"შეხვედრაზე ბათუმის ყოფილი ნავთობგადამმუშავებელი ქარხნის ეკოლოგიური შეფასება წარადგინეს. პროექტის მიზანია, დეტალური კვლევის საშუალებით დადგინდეს ბათუმის ყოფილი ნავთობგადამმუშავებელი ქარხნის ტერიტორიაზე დაბინძურების ცალკეული წყაროები, განისაზღვროს ეკოლოგიური და ჯანმრთელობის რისკები და შეფასდეს სარეაბილიტაციო პროექტის დოკუმენტაციაში გამოსასწორებელი ზომები.

პროექტის ფარგლებში განხორციელდება პოტენციური აღდგენითი ღონისძიებების ტექნიკურ-ეკონომიკური შეფასება, რომელიც შემუშავებული იქნება წინასწარ ჩატარებული კვლევის  შედეგების საფუძველზე. შეფასების ფარგლებში შესწავლილი იქნება სარეაბილიტაციო ღონისძიებების ტექნიკური და საინვესტიციო (ფინანსური) ასპექტები; შემუშავდება რეაბილიტაციის საპროექტო დოკუმენტაცია", აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით