ნატო-ს მოკავშირეები შეთანხმდნენ, რომ უკრაინა ალიანსის წევრი გახდება,- ამის შესახებ ნატო-ს გენერალურმა მდივანმა, იენს სტოლტენბერგმა განაცხადა.

სტოლტენბერგის თქმით, ომის დასრულების შემდეგ, უკრაინას უნდა ჰქონდეს შესაძლებლობა, რომ ახალი თავდასხმები თავიდან აიცილოს. 

"როდესაც ომი დასრულდება, ჩვენ უნდა დავრწმუნდეთ, რომ ისტორია არ განმეორდება და რომ რუსეთს აღარ შეეძლება, განაგრძოს თავდასხმა და კვლავ ომის წარმოება უკრაინისა და ევროპის უსაფრთხოების წინააღმდეგ",- უთხრა ნატო-ს გენერალურმა მდივანმა გერმანიაში ჟურნალისტებს.

შეგახსენებთ, გუშინ, 20 აპრილს იენს სტოლტენბერგი მოულოდნელი ვიზიტით კიევს ესტუმრა. პრეზიდენტ ვოლოდიმირ ზელენსკისთან გამართული პირისპირ შეხვედრის შემდეგ, ლიდერებმა ერთობლივი პრესკონფერენცია გამართეს.

უკრაინის პრეზიდენტმა განაცხადა, რომ დროა, ნატო-მ უკრაინა ალიანსში მიიწვიოს. თავის მხრივ, სტოლტებერგმა აღნიშნა, რომ უკრაინის კანონიერი ადგილი ნატო-შია.

ავტორი: ექსპრესნიუსი,

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას