საქართველოს პრემიერ-მინისტრი ირაკლი ღარიბაშვილი 9 თებერვალს ორდღიანი ოფიციალური ვიზიტით უნგრეთს ეწვევა.

დახვედრის ოფიციალური ცერემონიის შემდეგ, დაგეგმილია საქართველოს პრემიერ-მინისტრისა და უნგრელი კოლეგის ვიქტორ ორბანის პირისპირ შეხვედრა, რის შემდეგაც მხარეები ერთმანეთს გაფართოებულ ფორმატში შეხვდებიან. შეხვედრის დასრულების შემდეგ, ორი ქვეყნის პრემიერ-მინისტრები მედიისთვის განცხადებას გააკეთებენ.

ორდღიანი ოფიციალური ვიზიტის ფარგლებში, საქართველოს პრემიერ-მინისტრი შეხვდება უნგრეთის პარლამენტის თავმჯდომარეს, ლასლო კოვერს. ირაკლი ღარიბაშვილი სიტყვით გამოვა საქართველო-უნგრეთის ბიზნესფორუმზე. ვიზიტის ფარგლებში საქართველოს საგარეო საქმეთა სამინისტრო და უნგრეთის საგარეო საქმეთა და ვაჭრობის სამინისტრო თანამშრომლობის ოქმს მოაწერენ ხელს.

საქართველოს დელეგაცია, რომლის შემადგენლობაშიც ასევე შედიან ვიცე-პრემიერი, ენერგეტიკის მინისტრი კახა კალაძე, საგარეო საქმეთა მინისტრი თამარ ბერუჩაშვილი და სოფლის მეურნეობის მინისტრი ოთარ დანელია, უნგრეთს 10 თებერვალს დატოვებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს