2023-04-07 10:16:21, 867 ნახვა
მსოფლიო
აზერბაიჯანი ოთხ ირანელ დიპლომატს ქვეყნიდან აძევებს
აზერბაიჯანის მთავრობამ ირანის საელჩოს 4 თანამშრომელი, დიპლომატიურ სტატუსთან შეუთავსებელი ქმედებების გამო, პერსონა ნონ გრატად გამოაცხადა.
აზერბაიჯანის საგარეო საქმეთა სამინისტროს მიერ გავრცელებული ინფორმაციის თანახმად, ირანელმა დიპლომატებმა ქვეყნის ტერიტორია 48 საათის განმავლობაში უნდა დატოვონ.
საგარეო უწყების ინფორმაციით, დიპლომტების გაძევებას წინ უძღოდა აზერბაიჯანში ირანის ისლამური რესპუბლიკის საგანგებო და სრულუფლებიანი ელჩის, სეიედ აბას მუსავის დაბარება.
ელჩს დიპლომატიურ უწყებაში, აზერბაიჯანთან მიმართებაში, ირანის "ბოლოდროინდელი პროვოკაციული ქმედებების" გამო უსაყვედურეს და 4 დიპლომატის გაძევების შესახებ ინფორმაცია მიაწოდეს.
ავტორი: ექსპრესნიუსი,
epn.ge (@expressnews.ge)
