2023-04-03 23:54:59, 1571 ნახვა
ომი უკრაინაში
კირბი - ვაშინგტონმა შესაძლოა ამ კვირაში უკრაინისთვის სამხედრო დახმარების კიდევ ერთი პაკეტი გამოყოს
ვაშინგტონმა შესაძლოა ამ კვირაში უკრაინისთვის სამხედრო დახმარების კიდევ ერთი პაკეტი გამოყოს, - ამის შესახებ აშშ-ს ეროვნული უსაფრთხოების საბჭოს სპიკერმა, ჯონ კირბიმ განაცხადა.
მისივე თქმით, ზუსტ თარიღზე და დეტალებზე კომენტარს ვერ გააკეთებს, მაგრამ წინა პაკეტის შემდგომ საკითხზე აქტიური მუშაობა მიმდინარეობს და უახლოს პერიოდში დახმარების ახალი პაკეტიც დამტკიცდება.
"მე არ შემიძლია დეტალებზე ვისაუბრო, როდის მოხდება ეს, მაგრამ წინა პაკეტის შემდეგ ჩვენ ვმუშაობთ, რათა ჩამოვაყალიბოთ შემდეგი და ეს იქნება ძალიან, ძალიან მალე", - განაცხადა კირბიმ.
ავტორი: ექსპრესნიუსი,
epn.ge (@expressnews.ge)
