იტალიის ქალაქ ფლორენციის მერმა და გალერეამ, სადაც მიქელანჯელოს ცნობილი, დავითის ქანდაკებაა გამოფენილი, მის სანახავად მიიწვიეს ამერიკის ფლორიდის შტატის ქალაქ ტალაჰასის სკოლის პედაგოგები და მოსწავლეები. 

ფლორენციის გალერეის დირექტორმა სესილ ჰოლბერგმა განაცხადა, რომ გაოცება ვერ დამალა, როცა გაიგო, რომ მე-16 საუკუნის მარმარილოს ქანდაკებას, რომელიც რენესანსის ერთ-ერთი სიმბოლოა, პორნოგრაფია უწოდეს. ჰოლბერგმა გალერეაში მიიწვია ამერიკული სკოლის წარმომადგენლები იმაში დასარწმუნებლად, რომ სიშიშვლე პორნოგრაფია არ არის და ბიბლიური დავითის ქანდაკებაში პორნოგრაფიული და აგრესიული არაფერია.

ფლორენციის მერმა დარიო ნარდელამ ტვიტერის ოფიციალურ გვერდზე დაწერა, რომ ხელოვნების პორნოგრაფიად წარმოჩენა სასაცილოა. მერის განცხადებით, ხელოვნება ცივილიზაციაა და ვინც ამას ბავშვებს ასწავლის, პატივისცემას იმსახურებს, ამიტომ, ამერიკელ პედაგოგს პატივისცემის ნიშნად, ფლორენციაში იწვევს.

ფლორიდის სკოლის დირექტორი იძულებული გახდა თანამდებობა დაეტოვებინა მას შემდეგ, რაც მშობელმა უჩივლა, რომ მეექვსე კლასელებს გაკვეთილის დროს პორნოგრაფიული სურათები უჩვენეს. რენესანსის ხელოვნების ისტორიის გაკვეთილის ფარგლებში ბავშვებმა შეისწავლეს მიქელანჯელოს დავითის ქანდაკება. - იუწყება BBC.

დავითის შიშველი ფიგურის ქანდაკება შუა საუკუნეების ხელოვნების ერთ-ერთი ყველაზე ცნობილი ნამუშევარია. დავითი ბიბლიური პერსონაჟია, რომელმაც დაამარცხა გიგანტი გოლიათი.
ამავე გაკვეთილის ფარგლებში მოსწავლეებს შესთავაზეს ანალიზისთვის მიქელანჯელოს ტილოები „ადამის შემოქმედება“ და ბოტიჩელის „ვენერას დაბადება“. ორივე შიშველ სხეულს ასახავს.

ერთ-ერთმა მშობელმა თქვა, რომ ეს ნამუშევრები პორნოგრაფიაა. კიდევ ორი ​​მიიჩნევს, რომ ასეთი მასალა გაკვეთილის დაწყებამდე უნდა შეთანხმდეს მშობლებთან.
ტალაჰასის კლასიკური სკოლის დირექტორმა ჰოუპ კარასაკია ამბობდა, რომ მან თანამდებობიდან გადადგომა მას შემდეგ გადაწყვიტა, რაც სკოლის საბჭომ მას არჩევანი მისცა, ნებაყოფლობით დაეტოვებინა სკოლა ან სამსახურიდან გაეთავისუფლებინათ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს