2023-03-21 19:07:53, 1688 ნახვა
კომენტარი
რამიშვილი სექსუალური შევიწროების ბრალდებებზე - ეს არის მიზანმიმართული კამპანიის ნაწილი
ტყუილი და აბსურდია, - ასე გამოეხმაურა ტელეკომპანია “POS TV”-ის დირექტორი შალვა რამიშვილი მის წინააღმდეგ გაჟღერებულ სექსუალური შევიწროების ბრალდებებს.
მისივე თქმით, სექსუალურ შევიწროებაში დადანაშაულება არის ბულინგის და არხის მადისკრედიტირებელი კამპანიის წამოწყების ერთ-ერთი საბაბი.
"ტყუილი და აბსურდია. მიზანმიმართული კამპანიის ნაწილია. ჩემი დადანაშაულება სექსუალურ შევიწროებაში არის მერე ბულინგის და არხის მადისკრედიტირებელი ვითომ კამპანიის წამოწყების ერთ-ერთი საბაბი”, - განაცხადა შალვა რამიშვილმა “მთავარ არხთან” სატელეფონო საუბრისას.
შეგახსენებთ, შალვა რამიშვილი სექსუალურ შევიწროებაში სამმა ქალმა ამხილა.
რამიშვილმა სოციალურ ქსელში განაცხადა, რომ ბრალდებებზე ვრცლად გადაცემა "სამნი & Co"-ში ისაუბრებს.
ავტორი: ექსპრესნიუსი,
epn.ge (@expressnews.ge)
