მე არ მესმის, როგორ შეიძლება საქართველოში იყოს ადამიანი, რომელსაც სურს რუსეთთან დაახლოება, - ამის შესახებ ევროპარლამენტარმა მარკეტა გრეგოროვამ ტელეკომპანია "ფორმულას" ეთერში განაცხადა.

მისივე თქმით, ახლა არის კარგი შესაძლებლობა, იმისა, რომ მოხდეს გარკვევა თუ რა კურსით სურს ქვეყანას სვლის გაგრძელება, იქნება ეს პრორუსული, იმის ფონზე, რომ ქვეყნის 20% რუსეთის მხრიდან არის ოკუპირებული, თუ სვლა იქნება პროევროპული, რომელიც მიმართულია განვითარებისკენ.

"ვთვლი, რომ ეს გახლავთ ძალიან მნიშვნელოვანი დრო საქართველოსთვის და საქართველოს ხელისუფლებისთვის, რომ მოხდეს დემონსტრირება იმისა, თუ რა მიმართულება სურთ. იქნება ეს უფრო პრორუსული თუ უფრო მეტად პროევროპული. მე სურვილი მაქვს, ეს იყოს უფრო პროევროპული, მაგრამ უცხოელი აგენტების კანონით ჩვენ ვიხილეთ, რომ არსებობს ხალხი, რომელთაც სურთ რუსული მიმართულებით მოძრაობა. მე არ მესმის, როგორ შეიძლება საქართველოში იყოს ადამიანი, რომელსაც სურს რუსეთთან დაახლოება, როდესაც რუსეთი ოკუპაციას ახდენს საქართველოს ტერიტორიებისა. ეს გახლავთ უწყვეტი პრობლემა და იმედი მაქვს, რომ პროევროპული გზა და პოზიცია გაიმარჯვებს საქართველოში", - განაცხადა გრეგოროვამ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს