„საქართველოს პატრიოტთა ალიანსი“ უზენაესი სასამართლოს თავმჯდომარის თანამდებობაზე პრეზიდენტს საკუთარ კანდიდატურას  არ წარუდგენს, თუმცა პოლიტიკურ პროცესში აქტიურ მონაწილეობას მიიღებს.

ამის შესახებ პარტიის მიერ გავრცელებულ განცხადებაშია ნათქვამი.

მათივე ცნობით,  ყველა იმ კრიტერიუმის გათვალისწინებით, რომელიც ოფიციალურად განსაზღვრულია, „საქართველოს პატიორტთა ალიანსი“ უზენაესი სასამართლოს თავმჯდომარის პოსტზე პარლამენტის წევრის,  შალვა შავგულიძის, კანდიდატურას უჭერს მხარს.

„როგორც საზოგადოებისათვის ცნობილია, მიმდინარე წლის 9 თებერვალს საზოგადოების მხრიდან საქართველოს პრეზიდენტისადმი საქართველოს უზენაესი სასამართლოს თავმჯდომარის კანდიდატურების წარდგენის ვადა იწურება.

თავის დროზე მედიაკავშირი „ობიექტივის“ ეთერიდან საჯაროდ გაჟღერდა ხელისუფლებისადმი წინადადება, რომ აღნიშნულ თანამდებობაზე კანდიდატურები შერჩეული ყოფილიყო კონკრეტული კრიტერიუმებით, რაც ხელისუფლებამ გაითვალისწინა კიდევაც. კანდიდატის შერჩევის კრიტერიუმებიაა: 1. გადაწყვეტილების მიღების უნარი; 2. ეფექტური კომუნიკაციის უნარი; 3. მენეჯერული უნარ-ჩვევები; 4. მიუკერძოებლობა; 5. მორალური ღირებულებები; 6. პიროვნული თვისებები; 7. პროფესიული გამოცდილება; 8. სამოსამართლეო ტემპერამენტი/საკუთარი ემოციების მართვის უნარი; 9. საქმეთა განხილვის სტატისტიკური მაჩვენებლები; 10. სხდომის ეფექტური მართვის უნარი.
პოლიტიკურმა პარტიამ „საქართველოს პატრიოტთა ალიანსი“ იმსჯელა და მიიღო გადაწყვეტილება, რომ უშუალოდ პარტიის ინიციატივით არ მომხდარიყო კანდიდატურის წარდგენა. თუმცა, პარტიის პოლიტსაბჭომ მიზანშეწონილად ჩათვალა, მონაწილეობა მიიღოს თვით პოლიტიკურ პროცესში და კიდევ ერთხელ განიხილა ის კანდიდატურები, რომლებიც უკვე დაასახელეს სხვადასხვა პოლიტიკურმა პარტიებმა, თუ არასამთავრობო ორგანიზაციებმა.
ყველა იმ კრიტერიუმის გათვალისწინებით, რომელიც ოფიციალურად განსაზღვრულია, „საქართველოს პატიორტთა ალიანსი“ უზენაესი სასამართლოს თავმჯდომარის პოსტზე მხარს უჭერს საქართველოს პარლამენტის წევრის, ბატონი შალვა შავგულიძის კანდიდატურას; მიგვაჩნია, რომ ბატონი შალვა შავგულიძე არა მარტო მაღალი კლასის პროფესიონალია, არამედ ჩვენი საზოგადოების თვალსაჩინო წევრია, რომელსაც არასდროს დაუხუჭავს თვალი ქვეყანაში მიმდინარე პროცესებზე, რომელიც აქტიურად მონაწილეობდა ამ პროცესებში, ( აფხაზეთის ომში, სანდრო გირგვლიანის მკვლელობის დეტალების გახმაურებასა და ადვოკატირებაში) და რომელიც ყოველთვის იმსახურებდა საზოგადოების ნდობას“,-ნათქვამია „საქართველოს პატრიოტთა ალიანსის“ განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს