თბილისში, ლავრენტი არდაზიანის ქუჩაზე მცხოვრები ომის ვეტერანი, მისი ოჯახი და მცირეწლოვანი შვილები საკუთარი სახლიდან პოლიციამ ძალის გამოყენებით გამოასახლა.

ადგილზე მობილიზებულნი იყვნენ აღსრულების ეროვნული ბიუროს თანამშრომლები, რომლებმაც საცხოვრებელი სახლის ხის კარი უროთი შეამტვრიეს და იქ მაცხოვრებლები ძალის გამოყენებით გამოიყვანეს.

რაც შეეხება თავად აღსრულების ბიუროს, მისი წარმომადგენელი ამბობს, რომ საქმე დაწყებულია პროკურატურაში.

"მიუხედავად იმისა, რომ სისხლის სამართლის გამოძიება მიმდინარეობს ამ საქმეზე, ხედავთ, როგორი ძალმომრეობითი ქმედებით, მიუხედავად იმისა, რომ იძულებითი აღსრულება ჰქვია პროცესს, თუმცა ასეთი ფორმით არ უნდა ხდებოდეს ეს ყველაფერი. ასევე მოვითხოვთ კრედიტორის დასწრებას, ამას კანონი ითვალისწინებს, თუმცა საქართველოში ძალმომრეობითი ქმედებით ხორციელდება ეს პროცესი.

სისხლის სამართლის გამოძიება მიმდინარეობს, არსებობს დანაშაულის ნიშნები, დაყადაღებულია ქონება, სამწუხაროდ გამოძიების დასრულებამდე ხდება ამ ქონების გამოთავისუფლება, რაც წესით არ უნდა ხდებოდეს“- განაცხადა გამოსახლებული ოჯახის ადვოკატმა.

ამასთან, როგორც შემდგომ გაირკვა მევახშისგან ომის ვეტერანს 20 ათასი ლარი ჰქონდა ნასესხები, აპირებდა თანხის დაბრუნებსაც, თუმცა მევახშემ ფულზე უარი თავად თქვა.

ავტორი: ექსპრესნიუსი,

სოციალური ქსელები

საქართველოში სოფლის ოჯახების რაოდენობა ათი წლის განმავლობაში ერთი მეოთხედით შემცირდა

ჯგუფური ძალადობა გარდაბანში - ორმა პირმა თანასოფლელი სცემა

რეჟიმმა Facebook-ზე პოსტის გამო ჟურნალისტ ვახო სანაიას 14 დღით პატიმრობა მიუსაჯა

ირაკლი კობახიძე სინგაპურის პრემიერ-მინისტრს, ლოურენს ვონგს შეხვდა