ავლაბარში, ქეთევან წამებულის №24-სა და ფოსტის ქუჩების №3/5 ტერიტორიაზე, 202-ე უსინათლო ბავშვთა საჯარო სკოლის მიმდებარედ მიტოვებული მშენებლობის საძირკვლიდან წყლის ამოტუმბვის სამუშაოები მიმდინარეობს. სამუშაოებს თბილისის მერიის ზედამხედველობის სამსახურის დავალებით, სამშენებლო კომპანია „რეალთი ავლაბარი“  ახორციელებს.

დღეს ადგილზე სამუშაოებს თბილისის მერიის ზედამხედველობის საქალაქო სამსახურის უფროსი, გეგი ნიჟარაძე გაეცნო.

გეგი ნიჟარაძის თქმით, აღნიშნულ ტერიტორიაზე მშენებლობისთვის გაჭრილი საძირკველი წყლით 7 წლის განმავლობაში იყო სავსე და საფრთხეს უქმნიდა როგორც ადგილობრივ მოსახლეობას, ისე გვერდით მდებარე უსინათლო ბავშვთა საჯარო სკოლას. მისივე თქით, ქვაბული ამ ხნის განმავლობაში მიტოვებული იყო და ივსებოდა როგორც ატმოსფერული ნალექით, ისე დაზიანებული მილიდან ჩამდინარე წყლით.

 „საძირკვლიდან 28 000 კუბური მეტრი წყალი ამოიტუმბა. GWP”-ს წარმომადგენლები ადგილზე მუშაობენ, აღდგება დაზიანებული წყლის მილი და პრობლემა აღმოიფხვრება“, - განაცხადა გეგი ნიჟარაძემ. მისივე თქმით, პროცესში აქტიურად მონაწილეობს ისნის რაიონის გამგეობა. ნაგვისგან გაიწმინდა საძირკველი და დასუფთავდა მიმდებარე ტერიტორია.

უსინათლო ბავშვთა საჯარო სკოლის პედიატრის, თამარ ივანიშვილის განცხადებით, წლების განმავლობაში სკოლის ხელმძღვანელობამ არაერთხელ მიმართა შესაბამის უწყებებს, თუმცა უშედეგოდ.  "ამ ადგილას იყო ჭაობი, იყო ლეიშმანიოზის გავრცელების საშიშროება. წინა მთავრობის დროს არაერთხელ მივმართეთ შესაბამის უწყებებს, მაგრამ უშედეგოდ. დღეს ეს პრობლემა სრულად მოგვარდა“, - განაცხადა თამარ ივანიშვილმა.

წყლის ამოტუმბვის სამუშაოები რამდენიმე დღეში დასრულდება. საძირკვლის ამოშრობის შემდეგ, კომპანია „რეალთი ავლაბარი“ საცხოვრებელი კორპუსის სამშენებლო სამუშაოებს განაახლებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს