აშშ და G7 რუსეთის წინააღმდეგ სანქციების ახალ პაკეტს 24 თებერვლისთვის ამზადებენ,- აღნიშნულის შესახებ ამერიკის შეერთებული შტატების სახელმწიფო მდივნის მოადგილემ, ვიქტორია ნულანდმა განაცხადა.

მისი თქმით, აღნიშნული სანქციები გააფართოებს და გააღრმავებს მანამდე ამოქმედებულ შეზღუდვებს გარკვეულ კატეგორიებში.

"ვფიქრობ, რომ 24 თებერვლისთვის თქვენ იხილავთ სანქციების ახალ პაკეტს ამერიკის მხრიდან, ასევე G7-ის პარტნიორებისგან. ეს სანქციები გააფართოებს და გააღრმავებს მანამდე ამოქმედებულ შეზღუდვებს გარკვეულ კატეგორიებში, რომლებიც უკავშირდება რუსეთის თავდაცვის ინდუსტრიისთვის ტექნოლოგიისა და აღჭურვილობის ნაკადის შეზღუდვას და ა.შ." - განაცხადა ნულანდმა.

მისივე თქმით, ინდივიდუალური სანქციები ასევე მზადდება იმ პირებისთვის, რომლებიც მონაწილეობენ ან ცდილობენ მხარი დაუჭირონ რუსეთის ომს უკრაინის წინააღმდეგ.

ნულანდის თქმითვე, სანქციები შესაძლოა დაუწესდეთ იმ ქვეყნებსაც, რომლებიც ეხმარებიან რუსეთს თავი აარიდონ მანამდე დაწესებულ სანქციებს.

"ასევე ვაპირებთ გავაფართოოთ ჩვენი საექსპორტო კონტროლი, რათა მოვიცვათ ქვეყნები, რომლებიც ეხმარებიან რუსეთს. საჯაროდ გვილაპარაკია ირანზე, ჩინეთსა და ჩრდილოეთ კორეაზე. თუმცა არსებობენ სხვა ქვეყნების, რომლებსაც რუსეთი იყენებს იმისთვის, რომ სანქციები თავიდან აირიდოს", - დასძინა ნულანდმა.

შეგახსენებთ, რომ 15 თებერვალს ევროკომისიამ რუსეთის ფედერაციის წინააღმდეგ სანქციების მეათე პაკეტი ოფიციალურად წარადგინა, რომელიც ასევე ითვალისწინებს სანქციებს ირანული ორგანიზაციების წინააღმდეგ.

ავტორი: ექსპრესნიუსი,

სოციალური ქსელები

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა