2023-02-14 23:45:03, 1177 ნახვა

---

ჯონ კირბი - ამ ეტაპზე არ გვინახავს მინიშნება, რაც კონკრეტულად მიუთითებს იმაზე, რომ საჰაერო ობიექტები ჩინეთის სადაზვერვო პროგრამის ნაწილია

ჩვენ ანალიზის გარეშე ვერ ვიტყვით თუ რა იყო ეს ობიექტები, ამ ეტაპზე არ გვინახავს რაიმე მინიშნება, რაც კონკრეტულად მიუთითებს იმაზე, რომ ეს სამი ობიექტი ჩინეთის სადაზვერვო პროგრამის ნაწილია, - ამის შესახებ აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.

კანადის პრემიერ-მინისტრმა ჯასტინ ტრუდომ 12 თებერვალს განაცხადა, რომ ამერიკელმა სამხედროებმა კანადის თავზე კიდევ ერთი მფრინავი ობიექტი ჩამოაგდეს, ეს გასულ კვირაში რიგით მესამე მფრინავი ობიექტი იყო.

„მიუხედავად იმისა, რომ ჩვენ საბოლოოდ ვერ ვიტყვით, ნამსხვრევების ანალიზის გარეშე, რა იყო ეს ობიექტები, ამ ეტაპზე არ გვინახავს რაიმე მინიშნება, რაც კონკრეტულად მიუთითებს იმაზე, რომ ეს სამი ობიექტი ჩინეთის სადაზვერვო პროგრამის ნაწილი იყო, ან რომ ეს ობიექტები გამოიყენებოდა სადაზვერვო ინფორმაციის შეგროვების მიზნით“, - განაცხადა კირბიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი