ბულგარეთის პარლამენტმა სსრკ-ში 1932-1933 წლების მასობრივი შიმშილობა უკრაინელი ხალხის გენოციდად აღიარა, - ამის შესახებ სააგენტო SEGA იტყობინება. დეპუტატებმა გადაწყვიტეს, რომ გოლოდომორის მსხვერპლთა ხსოვნის დღე ნოემბრის ყოველ ბოლო შაბათს აღინიშნოს.

რენესანსის დეპუტატებმა აღიარების წინააღმდეგ მისცეს ხმა. მისმა ლიდერმა, კოსტადინ კოსტადინოვმა თქვა, რომ მოხდა მილიონობით ადამიანის სიკვდილი შიმშილით - და ეს არის ბოლშევიკური რეჟიმის ერთ-ერთი დანაშაული. მაგრამ მხოლოდ გარკვეული ეთნიკური ჯგუფის მიკუთვნებული ადამიანების განზრახ მკვლელობა შეიძლება ჩაითვალოს გენოციდად.

1932-1933 წლებში შიმშილით დაღუპული უკრაინელების რაოდენობა, სხვადასხვა შეფასებით, 3-დან 3,5 მილიონამდე იყო. მასობრივი შიმშილობის მსხვერპლთა საერთო რაოდენობა, რომელმაც ასევე დააზარალა ყაზახეთი, ბელორუსია, ვოლგის რეგიონი, ყუბანი, დასავლეთ ციმბირი და ურალი, 7-8 მილიონს აღწევს. სოფლის მოსახლეობაში საკვების დეფიციტი გამოწვეული იყო მარცვლეულის შესყიდვის გადაჭარბებული გეგმებით. რომლის მიხედვითაც სახელმწიფომ გლეხებს მოსავალი წაართვა.
უკრაინამ გოლდომორი გენოციდად 2006 წელს აღიარა. შემდგომში მსგავსი რეზოლუციები მიიღო 20-ზე მეტმა სახელმწიფომ, მათ შორის ვატიკანმა. 2022 წლის დეკემბერში ევროპარლამენტმა მიიღო რეზოლუცია უკრაინის სსრ-ში მასიური შიმშილის გენოციდად აღიარების შესახებ. „პარლამენტმა გადაწყვიტა, რომ ტოტალიტარული საბჭოთა რეჟიმის გათეთრებამ და განდიდებამ და საბჭოთა დიქტატორის იოსებ სტალინის პიროვნების კულტის აღორძინებამ დღევანდელი რუსეთი ტერორიზმის მხარდამჭერ სახელმწიფოდ აქცია“, - ნათქვამია დოკუმენტში.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს