პოლონეთის პრემიერ-მინისტრი მატეუშ მორავეცკი აცხადებს, რომ იმ შემთხვევაში თუ გერმანია უკრაინას Leopard 2-ის ტანკებს არ გადასცემს, ვარშავა შექმნის მცირე კოალიციას, რომელიც კიევს ტანკებით უზრუნველყოფს. ამის შესახებ მორავეცკიმ პოლონურ მედიასთან ინტერვიუში განაცხადა.

პოლონეთის პრემიერ-მინისტრი, რომელიც სამხედრო ტექნიკის უკრაინისთვის გადაცემასთან დაკავშირებით არსებული პოზიციის გამო, გერმანიას მკაცრად აკრიტიკებს, ამბობს, რომ "უკრაინა და ევროპა მოიგებს ამ ომს გერმანიასთან ერთად, ან მის გარეშე".

„თუ გერმანია არ დათანხმდება Leopard 2-ების გადაცემას, მაშინ ჩვენ შევქმნით სახელმწიფოთა უფრო მცირე კოალიციას, რომლებიც მზად არიან, გაუზიარონ თავიანთი თანამედროვე ტანკები უკრაინას. უკრაინა და ევროპა მოიგებს ამ ომს - გერმანიასთან ერთად, თუ მის გარეშე. ახლა გერმანიაზეა დამოკიდებული, სურთ თუ არა შეუერთდნენ მისიას და შეაჩერონ რუსული ბარბაროსობა, თუ აირჩიონ, რომ ჩუმად უყურონ და ისტორიაში შევიდნენ, როგორც არასწორ მხარეს მყოფნი", - ამბობს მორავეცკი.

შეგახსენებთ, გერმანიის კანცლერმა, ოლაფ შოლცმა აშშ-ს ულტიმატუმი წაუყენა და განაცხადა, რომ უკრაინისთვის Leopard 2-ის ტიპის ტანკების გადაცემაზე თანხმობას იტყვის, თუ შეერთებული შტატები უკრაინას ამერიკული წარმოების M1 Abrams-ის ტანკებს მიაწვდის. უკრაინისთვის Leopard 2-ის გაგზავნის საკითხს განიხილავს კანადაც, თუმცა გამომდინარე იქიდან, რომ ამ ტიპის საბრძოლო ტექნიკას გერმანია აწარმოებს, Leopard 2-ის რეექსპორტისთვის სწორედ აღნიშნული ქვეყნის მთავრობის თანხმობაა საჭირო.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს