საპატრიარქო - პატრიარქის აღსაყდრებისა და დაბადების აღსანიშნავი ღონისძიებები შეზღუდული სახით ჩატარდება

2022-12-11 16:27:58, 3089 ნახვა

საზოგადოება

საქართველოს საპატრიარქო კათოლიკოს-პატრიარქის, ილია მეორის აღსაყდრებისა და დაბადების საიუბილეო თარიღებთან დაკავშირებით გასამართ ღონისძიებებზე განცხადებას ავრცელებს.

როგორც განცხადებაშია ნათქვამი, ღონისძიებები, უკრაინასა და მსოფლიოში არსებული ვითარების გათვალისწინებით, შეზღუდული სახით ჩატარდება.

"უკრაინასა და მსოფლიოში არსებული რთული ვითარების გათვალისწინებით, სრულიად საქართველოს კათოლიკოს-პატრიარქის აღსაყდრებისა და დაბადების საიუბილეო თარიღებთან დაკავშირებით, მისი უწმინდესობისა და უნეტარესობის კურთხევით ღონისძიებები ზოგადად შეზღუდული სახით ჩატარდება, ამასთანავე არ იგეგმება ეკლესიათა მეთაურების, მათი წარმომადგენლების ან საერო პირთა მოწვევა", - ნათქვამია განცხადებაში, რომელიც საპატრიარქოს ოფიციალურ ვებგვერდზე ცოტა ხნის წინ გამოქვეყნდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,