ომის შესწავლის ინსტიტუტის (ISW) ანალიტიკოსები მიიჩნევენ, რომ რუსეთის პრეზიდენტი ვლადიმერ პუტინი ქმნის ყველა პირობას, რათა უკრაინაში წარმოებული ომი გაჭიანურდეს.

ინსტიტუტი ხაზს უსვამს რუსეთის პრეზიდენტის გაკეთებულ განცხადებას, რომელმაც სამოქალაქო საზოგადოებისა და ადამიანის უფლებათა განვითარების საბჭოსთან შეხვედრისას თქვა, რომ ე.წ. სპეციალური ოპერაცია უკრაინაში შეიძლება იყოს „გრძელი პროცესი“ და რომ ახალი ტერიტორიების აღება მნიშვნელოვანია რუსეთისთვის.

ინსტიტუტის ექსპერტებმა აღნიშნეს, რომ ამ შეხვედრაზე პუტინმა საკუთარი თავი შეადარა მეფე პეტრე პირველს და აღნიშნა, რომ ახლა რუსეთი აკონტროლებს აზოვის ზღვას, რისთვისაც მეფე იბრძოდა.

"ეს მითითება რუსეთის იმპერიულ ისტორიაზე ნათლად ასახავს პუტინის ამჟამინდელ მიზნებს უკრაინაში, როგორც აშკარად იმპერიალისტურ და მაინც მაქსიმალისტურს. პუტინი აწყობს რუსეთის შიდა აუდიტორიას უკრაინაში გაჭიანურებული, დამქანცველი ომისთვის, რომელიც მიზნად ისახავს უკრაინის ახალი ტერიტორიების დაპყრობას", - ნათქვამია ISW ანგარიშში.

ინსტიტუტის ანალიტიკოსებმა აღნიშნეს, რომ რუსული საინფორმაციო სივრცე დადებითად რეაგირებდა პუტინის იმპერიალისტურ განცხადებებზე, რაც დამატებით პირობებს ქმნის ომის გახანგრძლივებისთვის.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”