რუსმა ოკუპანტებმა ზაპოროჟიეს რეგიონის 2 სოფელი დაბომბეს, რა დროსაც 3 ადამიანი დაშავდა. აღნიშნულ ინფორმაციას ზაპოროჟიეს რეგიონული სამხედრო ადმინისტრაციის თავმჯდომარე ალექსანდრე სტარუხი ავრცელებს.

სტარუხის თქმით, ოკუპანტებმა დარტყმა S-300 სისტემებიდან და უპილოტო საფრენი აპარატებიდან განახორციელეს.

„ბევრი მსხვერპლი და ნგრევა შეიძლებოდა ყოფილიყო, თავდაცვის ძალებს რომ არ ჩამოეგდოთ ათეული უპილოტო საფრენი აპარატი“,- განაცხადა სტარუხმა.

მისივე თქმით, ერთ-ერთ სოფელში 2 სახლი დაინგრა და 8 დაზიანდა. ცნობილია სამი დაჭრილის შესახებ, მათ შორისაა 15 წლის გოგონა. მეორე სოფელში კი, აფეთქების შედეგად ერთი სახლი დაინგრა, კიდევ 10 დაზიანდა. 

შეგახსენებთ, რომ 5 დეკემბერს, ზაპოროჟიეს რაიონის სოფელ ნოვოსოფიივკაში დამპყრობლების მიერ სარაკეტო თავდასხმის შედეგად 2 ადამიანი დაიღუპა, 3 კი დაშავდა. ამასთან, როგორც უკრაინის პრეზიდენტის ადმინისტრაციაში აღნიშნეს, რუსული დაბომბვის შედეგად 1 წლის და 10 თვის მცირეწლოვანიც დაიჭრა.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”