რუსეთის სრულმასშტაბიანი შემოჭრის ფონზე კიევის მოსახლეობა „ყველაზე უარესი სცენარისთვის“ უნდა მოემზადოს, - ამის შესახებ, DW- ის ცნობით, უკრაინის დედაქალაქის მერმა ვიტალი კლიჩკომ განაცხადა.

როგორც მერმა აღნიშნა, კიევს შესაძლოა "მეორე მსოფლიო ომის შემდეგ ყველაზე ცუდი ზამთარი" ელოდოს. 

კლიჩკომ დაადანაშაულა ვლადიმერ პუტინი მოსახლეობის დაშინებაში. მისი თქმით, რუსეთის პრეზიდენტი ამისთვის სამოქალაქო ინფრასტრუქტურაზე დარტყმებს იყენებს.

„თუ ყველაფერი ყველაზე უარესი სცენარის მიხედვით წარიმართება, შესაძლოა საჭირო გახდეს ქალაქის ნაწილის ევაკუაცია, თუმცა ხელისუფლებას არ სურს, რომ საქმე აქამდე მივიდეს“, - თქვა კლიჩკომ 

2022 წლის 10 ოქტომბერს რუსეთის ფედერაციამ დაიწყო თავდასხმები უკრაინის კრიტიკულ ინფრასტრუქტურაზე. მხოლოდ ერთ დღეში  უკრაინის ენერგეტიკული ინფრასტრუქტურის 30% დაზიანდა . 

10 ოქტომბრის შემდეგ კრიტიკულ ინფრასტრუქტურაზე თავდასხმები არ შეწყვეტილა.

ოკუპანტები ურტყამენ ელექტრო ქვესადგურებს, ჰიდროელექტროსადგურებს და თბოწარმოების ობიექტებს. ელექტროენერგიის შეწყვეტა მთელი ქვეყნის მასშტაბით გავრცელდა.

ავტორი: ექსპრესნიუსი,

სოციალური ქსელები

ტრამპი: აშშ ირანზე ახალი დარტყმებისთვის ემზადება

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა