2022-11-23 10:42:44, 1260 ნახვა
მსოფლიო
იერუსალიმში ორი აფეთქება მოხდა - დაშავებულია 18 ადამიანი, ორი მათგანის მდგომარეობა მძიმეა
იერუსალიმში, ავტობუსის გაჩერებაზე ორი აფეთქება მოხდა. ქალაქის მერის მოადგილის, ფლერ ჰასან-ნახუმმას განცხადებით, დაშავებულთა რიცხვი 18-მდე გაიზარდა, ორი მათგანის მდგომარეობა მძიმეა.
პირველი აფეთქება ცენტრალურ ავტოსადგურთან დაახლოებით დილის 7:00-საათისთვის მოხდა. მალევე გავრცელდა ინფორმაცია მეორე აფეთქების შესახებ.
ჯერჯერობით უცნობია, რას უკავშირდება ეს ორი ინციდენტი. იერუსალიმის პოლიცია თავდასხმის ვერსიას განიხილავს.
ადგილობრივი მედია ვარაუდობს, რომ აფეთქება, შესაძლოა, ჩანთაში დატოვებული ასაფეთქებელი მოწყობილობის გამო მოხდა.
ავტორი: ექსპრესნიუსი,
epn.ge (@expressnews.ge)
