რუსეთი სარაკეტო თავდასხმების გაძლიერებით უკრაინის მარაგების ამოწურვას ცდილობს. - ამის შესახებ აშშ-ს თავდაცვის მდივნის მრჩეველმა პოლიტიკის საკითხებში, კოლინ კალმა განაცხადა.

მისივე თქმით, მარაგების ამოწურვის შემთხვევაში, მოსკოვი იმედოვნებს, რომ უკრაინაში საჰაერო დომინირებას შეძლებს.

"ჩვენ ვიცით, თუ რა არის რუსეთისთვის გამარჯვების გზა და მზად ვართ, დავრწმუნდეთ, რომ მათი თეორია არ იმუშავებს. უკრაინელები მიიღებენ იმას, რაც მათ საჰაერო თავდაცვისთვის სჭირდებათ". - ნათქვამია განცხადებაში.

10 ოქტომბრიდან რუსეთის თავდაცვის სამინისტრო რეგულარულად ახორციელებს სარაკეტო თავდასხმებს უკრაინაში სამხედრო და ენერგეტიკულ ობიექტებზე და ამას უწოდებს პასუხს 8 ოქტომბერს ქერჩის სრუტეში ყირიმის ხიდზე მომხდარ აფეთქებაზე.

როგორც უკრაინის ხელისუფლებამ განაცხადა, 15 ნოემბერს რუსეთმა ომის დაწყების შემდეგ ყველაზე მასიური დარტყმა მიაყენა ქვეყნის ენერგეტიკულ სექტორს. უკრაინაში დაბომბვის ფონზე მოძრავი ჩაქრობა მიმდინარეობს. რუსეთის ფედერაციის პრეზიდენტის პრესმდივანმა დიმიტრი პესკოვმა უკრაინის ბევრ რეგიონში ელექტროენერგიის და სითბოს ნაკლებობა უწოდა კიევის ხელისუფლების ქმედებების შედეგი, მათ შორის მოლაპარაკებებზე უარს.

ავტორი: ექსპრესნიუსი,

სოციალური ქსელები

რუსეთიდან საქართველოში ამანათები 474%-ით გაიზარდა

ჟორჟოლიანი: რეფორმატორთა საბჭო „ნაციონალური მოძრაობისგან“ დამოუკიდებლად იმუშავებს

ანკარის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს