უკრაინის შეიარაღებული ძალების შეტევის შესანელებლად, რუსმა ოკუპანტებმა ხერსონის ოლქში 5 ხიდი ააფეთქეს. ამის შესახებ ბრიფინგზე ხერსონის რეგიონული სამხედრო ადმინისტრაციის თავმჯდომარის მრჩეველმა, სერხი ხლანმა განაცხადა.

მისი თქმით, ამ გზით ოკუპანტები უკანდახევისთვის ემზადებიან.

„ოკუპანტებმა ააფეთქეს არა მხოლოდ დარიევისა და ტიაგინის ხიდები, ასევე ხიდი სნიგურივკადან ხერსონისკენ გასასვლელში არხის გადაღმა. ააფეთქეს ხიდი ნოვოკაირიში, მილოვში. ოკუპანტები ახლა აფეთქებენ აბსოლუტურად ყველა ხიდს, რომელიც ხერსონის ოლქის მარჯვენა სანაპიროზეა“, - თქვა ხლანმა.

ხერსონის რეგიონული სამხედრო ადმინისტრაციის თავმჯდომარის მრჩევლის განცხადებით, უკრაინის შეიარაღებული ძალების შეტევის ფონზე, ოკუპანტები ყველაფერს აკეთებენ, რომ ეს ყველაფერი დაგეგმილ უკან დახევას დაემსგავსოს და არა მარცხს. 

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა