გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი გაეროს პროექტების მომსახურების ოფისის (UNOPS) შესყიდვების მიმართულების დირექტორს ანი კლერ ჰოვარდს შეხვდა. 

სოლომონ პავლიაშვილმა შეხვედრის მონაწილეებს საქართველოში მწვანე ეკონომიკისა და მდგრადი საჯარო შესყიდვების მიმართულებით არსებული სიტუაცია და ევროკავშირთან ასოცირების დღის წესრიგის ფარგლებში აღებული ვალდებულებების შესრულების მდგომარეობა გააცნო. აღსანიშნავია, რომ ევროკავშირთან ასოცირების შესახებ შეთანხმება ითვალისწინებს მდგრადი საჯარო შესყიდვების მიდგომის დანერგვას, ეკოეტიკეტირებისა და ეკოინოვაციების წახალისებას. 

გაეროს პროექტების მომსახურების ოფისის (UNOPS) წარმომადგენლებმა დადებითად შეაფასეს საქართველოში მდგრად საჯარო შესყიდვებთან დაკავშირებით განხორციელებული აქტივობები, რაც, მომავალში, ხელს შეუწყობს  აღნიშნული მიდგომის დანერგვას. 

ევროკავშირის მიერ დაფინანსებული EU4Environment  პროგრამის აქტივობების განმახორციელებელია გაეროს გარემოს დაცვის პროგრამა (UNEP), რომელიც გარემოსდაცვითი ინფორმაციისა და განათლების ცენტრთან და სახელმწიფო შესყიდვების სააგენტოსთან თანამშრომლობით აქტიურად მუშაობს მდგრადი საჯარო შესყიდვების დანერგვისა და პოპულარიზაციის მიზნით. აღნიშნული ღონისძიებები მოიცავს კანონმდებლობის გაუმჯობესებას მდგრადი საჯარო შესყიდვების დებულებების დასანერგად. მდგრადი საჯარო შესყიდვების დებულებები მოცემულია ახალ საჯარო შესყიდვების შესახებ კანონპროექტში, რომელსაც საქართველოს პარლამენტი განიხილავს. 

შეხვედრას გარემოსდაცვითი ინფორმაციისა და განათლების ცენტრის დირექტორი, თამარ ალადაშვილი და სახელმწიფო შესყიდვების სააგენტოს თავმჯდომარის მოადგილე, კახა დემეტრაშვილი ესწრებოდნენ.

ავტორი: NS (სტატია დაფინანსებულია),

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს